Түрмөнүн жетекчиси коррупцияга шектелип кармалды
25-августта Жаза аткаруу кызматынын ички иликтөө башкармалыгынын кызматкерлеринин катышуусунда Сокулук районунун Жаңы-Жер айылындагы өмүр бою эркинен ажыратылгандар үчүн каралган №19-түзөтүү колониясынын башчысы, майор Ж.М. кармалды. Бул тууралуу УКМКнын басма сөз кызматы билдирди.
Кылмыш-жаза кодексинин 343-беренесинин 2-бөлүгүнүн 1-пункту "Пара талап кылуу" боюнча жүргүзүлгөн иликтөөдө шектүү 2025-жылдын февраль айынан бери соттолуучунун жакындарынан телефон чалууга жана жолугушууга уруксат берүү үчүн системалуу түрдө акча талап кылып келгени аныкталган. Тергөөнүн маалыматы боюнча, каражаттар электрондук капчык аркылуу которулуп турган.
Кармалган адам УКМКнын убактылуу кармоочу жайына киргизилди. Учурда тергөө иштери жүрүп жатат.
