Чаткалдагы Ыдырыс-Ата зыярат жайы жаңыланат
Жалал-Абад облусунун Чаткал районундагы Ыдырыс-Ата тарыхый-маданий зыярат жайын өнүктүрүү боюнча эскиздик долбоор иштелип чыкты. Бул тууралуу Курулуш, архитектура жана турак жай-коммуналдык чарба министрлиги билдирди.
Долбоор Жаңы-Базар айылында жайгашкан тарыхый-маданий мурасты сактоого, Ыдырыс-Ата күмбөзүнүн аймагын көрктөндүрүүгө жана зыяратчылар үчүн зарыл шарттарды түзүүгө багытталган.
Анын алкагында жалпы аянты 1 гектарды түзгөн тарыхый объекттин аймагын иретке келтирип, тиешелүү инфраструктураны жакшыртуу каралган.
Долбоор ишке ашса, зыяратчылар жана туристтер үчүн ыңгайлуу шарттар түзүлүп, Чаткал районунда тарыхый-маданий туризмди өнүктүрүүгө мүмкүнчүлүк түзүлөт.
Учурда Ыдырыс-Ата тарыхый күмбөзүнүн эскиздик долбоору тиешелүү кароо жана макулдашуу баскычтарынан өтүүдө.
