Мыйзам бузган чет өлкөлүктөргө 3 млн сомдон ашык айып пул салынды
Ош облусунда 5-августтан бери “Нелегал” ыкчам-профилактикалык иш-чарасы өтүп жатат. Бул тууралуу Ош облустук ички иштер башкармалыгынан билдирди.
Маалыматка ылайык, рейддин алкагында милиция аймакта окуп, иштеп же башка максатта жүргөн чет өлкөлүк жарандардын Кыргызстанда болуу тартибин сактоосун текшерүүдө.
Жыйынтыгында мамлекеттик чек араны мыйзамсыз кесип өтүүгө байланыштуу 3 кылмыш иши, мыйзамсыз миграцияны уюштуруу боюнча дагы 1 кылмыш иши аныкталган.
Мындан тышкары, мыйзам талаптарын бузган 518 чет өлкөлүк жаранга протокол түзүлүп, жалпы 3 млн 3 миң сом айып пул салынды.
Милиция чет өлкөлүк жарандар иштеген мекемелерде да түшүндүрүү иштерин жүргүзүүдө.
