Ош шаарында жаңы тест борбору ачылды
Ош шаарындагы №18 А. Навои атындагы мектепте шаардык билим берүү башкармалыгына караштуу жаңы тест борбору ачылды.
Мэриянын маалыматына ылайык, ачылыш аземге Ош шаарынын мэри Жанарбек Акаев, Ош шаардык кеңешинин төрагасы Болотбек Баетов жана билим берүү тармагынын өкүлдөрү катышты.
Иш-чаранын жүрүшүндө борбордогу шарттар, заманбап компьютердик класстар жана тестирлөө системасынын иштөө тартиби тааныштырылды.
Жаңы борбор окуучулардын билим жетишкендиктерин заманбап талаптарга ылайык баалоого, тестирлөө процессин ачык-айкын жана ыңгайлуу уюштурууга багытталган.
Ошондой эле борбордун ишке кириши шаардагы билим берүү тармагын санариптештирүүгө жана билимди баалоо системасын өркүндөтүүгө шарт түзөрү белгиленди.
