Манас шаарындагы бир катар объектилер текшерилди
Манас шаарынын мэри Уларбек Исмаилов президенттин Жалал-Абад облусундагы ыйгарым укуктуу өкүлү Тилек Текебаев менен биргеликте шаардагы социалдык жана инфраструктуралык объектилердин курулушунун жүрүшү менен таанышты.
Манас шаардык мэриясынын маалыматына ылайык, жетекчилер алгач Балдар чыгармачылык борбору жана Жаштар борборунун абалын көрүп, алардын ишмердүүлүгү менен таанышты.
Мындан тышкары, мурдагы темир жолдун ордуна курулуп жаткан Манас – Багыш жолунун курулушу текшерилди. Аталган жолдун узундугу 12,5 чакырым, туурасы 22 метрди түзөт.
Ошондой эле Бишкек– Ош автожолунун Манас–Благовещинка айланма жолун оңдоо долбоорунун алкагындагы иштер, шаардын кире беришиндеги жарыктандыруу, веложолдун курулушу жана светофорлорго орнотулуп жаткан кошумча жарыктандырууларды жеринде көрүштү.
Кыдыруунун жыйынтыгында тиешелүү жетекчилерге курулуштардын сапатын тыкыр көзөмөлдөө тапшырмасы берилди.
