Дүйнөлүк көчмөндөр оюндарына 109 мамлекеттин өкүлдөрү катышууда
VI Дүйнөлүк көчмөндөр оюндарына 109 мамлекеттин өкүлдөрү катышууда. Бул тууралуу 1-сентябрда маалымат жыйында министрлер кабинетинин төрагасынын орун басары Улан Маматканов билдирди.
Анын айтымына караганда, 2014-жылы Кыргызстанда өткөн алгачкы оюндарга 19 мамлекет катышкан. Быйыл Көчмөндөр оюндары 109 мамлекеттин өкүлдөрүн бириктирди.
Быйыл оюндар 3 багытта: спорт, маданият жана илим тармагында өтөт. Спорттук программага этноспорттун 42 түрү киргизилди.
Жалпысынан спорттук мелдештерге 3000ге жакын спорттук делегациянын өкүлдөрү катышууда. Көчмөндөр оюндарынын алкагында уюштурулган маданий программага 65 мамлекеттин 400дөн ашык өкүлдөрү катышат.
Ал эми “Көчмөндөр цивилизациясы: марастары, парадигмасы жана келечеги” эл аралык конференция өтөт. Ага 28 мамлекеттен 160тан ашык окумуштуу жана эксперт катышат.
