ИИМ: Көчмөндөр оюндарынын ачылышында коомдук тартип бузулган жок
Бишкекте 31-августта өткөн VI Дүйнөлүк көчмөндөр оюндарынын салтанаттуу ачылыш аземи коомдук тартип бузулбай, кырсыгы жок аяктады. Бул тууралуу ИИМден билдиришти.
Иш-чара учурунда милиция кызматкерлери стадиондун аймагында, ага жакын көчөлөрдө жана башка объектилерде коомдук тартипти жана жарандардын коопсуздугун камсыз кылышты.
Учурда милиция кызматкерлери күчөтүлгөн тартипте ишин улантууда. Укук коргоо органдары оюндар өтүп жаткан мезгилде катышуучулардын, коноктордун жана шаар тургундарынын коопсуздугун камсыздоо боюнча чараларды көрүп жатышат.
ИИМ жарандарды коомдук тартипти сактоого, милиция кызматкерлеринин мыйзамдуу талаптарын аткарууга жана коопсуздук чараларына түшүнүү менен мамиле кылууга чакырды.
