Кадамжайдагы базарда укук бузуу боюнча 15 протокол түзүлдү
Кадамжайдагы "Соода" базарында коомдук тартипти сактоо, жол коопсуздугун камсыздоо жана укук бузуулардын алдын алуу максатында рейд өттү. Бул тууралуу Баткен ОИИБдин басма сөз кызматы билдирди.
Рейд учурунда аймакта желмаян айдап жүргөн айдоочуларга жол эрежелерин жана коомдук коопсуздукту сактоо боюнча түшүндүрүү иштери жүргүзүлдү.
Мындан тышкары, базарда соода кылган жарандарга коомдук жайларда тартипти сактоо, белгиленбеген жерлерде соода кылбоо жана укук бузууларга жол бербөө боюнча эскертүүлөр берилди.
Иш-чаранын жыйынтыгында жалпы 15 укук бузуу боюнча административдик протокол түзүлдү.
