Дүйнө элдерин бириктирген түндүк көтөрүү аземи өттү
VI Дүйнөлүк көчмөндөр оюндарынын алкагында өтүп жаткан "Көчмөндөр цивилизациясы: мурасы, парадигмалары жана келечеги" эл аралык илимий конференциясынын түндүк көтөрүү аземи өттү. Бул тууралуу Илим, жогорку билим берүү жана инновациялар министрлигинен билдиришти.
Маалыматка ылайык, аземге Кыргызстан, Казакстан, Орусия, Кытай, Түркия, Азербайжан, Өзбекстан, Монголия, Австрия, Улуу Британия, АКШ, Түштүк Корея, Индия, Франция, Германия, Италия, Польша, Словения, Швеция, Нидерланддар, Жаңы Зеландия, Шри-Ланка, Гана, Сауд Аравиясы жана башка өлкөлөрдөн келген окумуштуулар жана өкүлдөр катышты.
Белгиленгендей, түндүк көтөрүү кыргыз элинин салтында ынтымактын, биримдиктин жана достуктун символу катары саналат.
Мындан тышкары, чет өлкөлүк коноктор көчмөндөрдүн руханий мурасы менен жакындан таанышууга мүмкүнчүлүк алышты.
