ИИМ Кырчынга каттаган жарандардын жол жүрүүсүн жеңилдетүүдө
VI Дүйнөлүк көчмөндөр оюндарынын алкагында Кырчын жайлоосуна каттаган жарандар үчүн атайын автобустар бөлүндү. Бул тууралуу Ички иштер министрлигинин басма сөз кызматынан билдиришти.
Маалыматка ылайык, атайын каттамдар жарандардын иш-чара өтүп жаткан аймакка коопсуз жана ыңгайлуу жетүүсүн камсыз кылуу максатында уюштурулган.
Автобустар Кырчын жайлоосуна барууну жеңилдетип, оюндарга келген жарандарга транспорттук жактан көмөк көрсөтөт.
ИИМ жарандарды жолдо жана коомдук жайларда тартипти сактоого, ошондой эле сабырдуулук жана түшүнүү менен мамиле кылууга чакырды.
