Москва райондук архитектура башкармалыгына жаңы жетекчи дайындалды
Тилек Уметалиев Курулуш, архитектура жана турак жай-коммуналдык чарба министрлигине караштуу Шаар куруу жана архитектура департаментинин Москва райондук шаар куруу жана архитектура башкармалыгынын жетекчиси болуп дайындалды.
Ведомствонун маалыматына ылайык, тиешелүү буйрукка курулуш, архитектура жана турак жай-коммуналдык чарба министри Нурдан Орунтаев кол койду.
Жаңы жетекчини Шаар куруу жана архитектура департаментинин директорунун орун басары Аман Тургуналиев башкармалыктын эмгек жамаатына тааныштырып, ишине ийгилик каалады.
Тилек Уметалиев буга чейин Москва райондук шаар куруу жана архитектура башкармалыгынын геодезия жана топография бөлүмүнүн башчысы кызматын аркалап келген.
