Таш-Көмүрдө көчөлөрдөгү топурактын сапаты текшерилди
Жалал-Абад облусунун Таш-Көмүр шаарындагы көчөлөрдө топурактын сапатын аныктоо боюнча текшерүү жүргүзүлдү. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка ылайык, текшерүүнү министрликке караштуу Курулушта сертификаттоонун республикалык борборунун адистери жүргүзгөн.
Жеринде тиешелүү сыноолор өткөрүлүп, лабораториялык изилдөө үчүн топурактан үлгүлөр алынды.
Лабораториялык изилдөөнүн жыйынтыгында топурактын физикалык-механикалык көрсөткүчтөрү аныкталып, анын белгиленген талаптарга шайкештигине баа берилет.
