Жугуштуу ооруларды изилдөө боюнча илимий борбор курула баштады
Кыргызстанда Жугуштуу ооруларды изилдөө боюнча илимий борбордун курулушу башталды. Бул тууралуу Саламаттык сактоо министрлигинин басма сөз кызматы билдирди.
Саламаттык сактоо министри Дамир Осмонов белгилегендей, жаңы жайдын түзүлүшү жарандардын ден соолугун чыңдоого, өлкөнүн илимий дараметин өнүктүрүүгө жана жугуштуу оорулардын коркунучтарына даярдыкты жогорулатууга багытталган.
Маалыматка ылайык, иш-чарага видеоконференция аркылуу Орусиянын Керектөөчүлөрдүн укуктарын коргоо жана адамдын бакубаттуулугун камсыз кылуу чөйрөсүндө көзөмөл боюнча федералдык кызматынын жетекчиси Анна Попова да кошулду.
