Жыргалаңда боз үйлөр шаарчасы курулууда
Ысык-Көл облусунун Жыргалаң аймагында 240 орунга ылайыкталган боз үй шаарчасы курулууда. Бул тууралуу "Ала-Тоо Резорт" ААКтан билдиришти.
Учурда боз үйлөр орнотула турган аянттардын пайдубалдарын даярдоо иштери жүрүп, айрым тилкелерде конструкцияларды орнотуу иштери башталды. Курулуш иштери бир нече тилкеде катар жүргүзүлүүдө.
Долбоорго ылайык, боз үйлөр заманбап шарттар менен жабдылып, жыл бою конокторду кабыл алууга ылайыкташтырылат. Ар бир боз үйдө жылытуу системасы, душ, даараткана жана жашоо үчүн зарыл болгон башка ыңгайлуулуктар каралат.
Учурда курулуш иштери бекитилген планга ылайык уланууда.
