Түп районундагы билим берүү мекемесине 124 млн сом жумшалды
Ысык-Көл облусунун Түп районундагы Фрунзе айылында 225 орундуу мектептин курулушу аяктады. Билим берүү мекемеси жаңы окуу жылына толук даяр. Бул тууралуу Курулуш министрлигин басма сөз кызматы билдирди.
Маалыматка ылайык, мекеменин курулушу 2024-жылы ноябрда башталган. Долбоор республикалык казынадан каржыланып, жалпы наркы 124 миллион сомду түздү.
Заманбап үлгүдөгү мектеп имаратынын жалпы аянты 1 791 чарчы метр. Анда окуучулардын сапаттуу билим алуусу үчүн бардык зарыл шарттар каралган.
Мектепте окуу класстарынан тышкары лаборатория, китепкана, ашкана, дарыгердин бөлмөсү, эмгек жана компьютердик класстар, жыйындар залы жана спорт аянтчасы жайгашкан.
