Чүй облусунун беш айылында 8–9-сентябрда газ убактылуу өчүрүлөт
Чүй облусунун айрым аймактарында 8–9-сентябрь күндөрү жаратылыш газынын берилиши убактылуу токтотулат. Бул тууралуу «Чүйгаз» газ кызматы билдирди.
Мекеменин маалыматын ылайык, жогорку басымдагы жер алдындагы газ түтүгүндө оңдоо иштерине байланыштуу газ берүү токтотулат.
Газ төмөнкү аймактарда өчүрүлөт:
- Сокулук айылында;
- Шопоков шаарында;
- Романовка айылында;
- Гавриловка айылында;
- Александровка айылында.
«Чүйгаз» убактылуу өчүрүү учурунда тургундарды энергиянын башка булактарын колдонууга чакырды.
Мекеменин маалыматына караганда, жүргүзүлүп жаткан иштер газ менен камсыздоонун ишенимдүүлүгүн жана коопсуздугун камсыз кылуу үчүн зарыл.
