Европадан келген туристтик поезд Бишкекке 70тен ашык чет элдик туристти алып келди
Германияның Lernidee Erlebnisreisen GmbH компаниясы башкарган эл аралык туристтик поезд 6-сентябрда Бишкекке келди. “Кыргыз темир жолу” мамлекеттик ишканасынын билдирүүсүнө караганда, поезд Батыш Европадан, Түндүк Америкадан жана Чыгыш Азиядан келген 70тен ашык туристти ташып келе жатат. Поезд 11 вагондон турат.
Келген коноктор үчүн атайын жолугушуу жана элдик кол өнөрчүлүк боюнча көргөзмө уюштурулду. Туристтерге кыргыз шырдактары, кийиз буюмдары, улуттук тиричилик буюмдары жана башка салттуу маданияттын үлгүлөрү көрсөтүлдү.
Жолугушуудан кийин туристтер Бишкек боюнча экскурсияга чыгып, негизги кооз жерлерди кыдырып, шаардын тарыхы жана архитектурасы менен таанышышты.
“Кыргыз темир жолу” ишканасы Кыргызстандын ичинде график боюнча иштөөсүн камсыздайт жана жүргүнчүлөрдү коопсуз ташуу үчүн зарыл шарттарды сунуштайт.
