Ветеринардык дарыканаларга текшерүү жүргүзүлдү
Ветеринардык жана фитосанитардык көзөмөл кызматынын региондук башкармалыктарынын инспекторлору жана Ветеринария, мал чарбасын өнүктүрүү, жайыт жана тоют кызматынын адистери - Нарын, Ош жана Жалал-Абад облустарында, ошондой эле Ош жана Нарын шаарларында ветеринардык дарыканаларга мониторинг жүргүзүштү.
Мониторингдин жүрүшүндө ветеринардык дары-дармектердин сатылышы жана сакталуусу, дарыканалардын тиешелүү реестрлерге катталуусу жана мыйзам талаптарынын сакталышы текшерилди.
Суу ресурстары, айыл чарба жана кайра иштетүү өнөр жайы министрлигинин басма сөз кызматынын маалыматына караганда, текшерүүнүн жүрүшүндө айрым ветеринардык дарыканаларда ички реестрге катталбаган учурлар жана ветеринардык дары-дармектердин агрохимикаттар менен талапка ылайык өзүнчө сакталбагандыгы аныкталды.
Аныкталган кемчиликтер боюнча дарыканалардын ээлерине жана кызматкерлерине түшүндүрүү иштери жүргүзүлүп, кемчиликтерди жоюу боюнча тиешелүү талаптар коюлду.
