Бишкектин айрым жерлеринде убактылуу суу өчүрүлөт
17-сентябырда саат 09:00дөн - 19:00гө чейин турак жайларга, мектептерге, мектепке чейинки билим берүү мекемелерине, саламаттыкты сактоо мекемелерине, ошондой эле башка социалдык жана өндүрүштүк объектилерге ичүүчү суу берүү убактылуу токтотулат.
Өчүрүү району: эски аэропорттун аймагы, Ч. Айтматов проспектиси, Токтоналиев көчөсү, Т. Океев көчөсүндө болот.
Бишкексууканал муниципалдык ишканасынын маалыматына караганда, суу берүү “Аэропорт” суу топтомосунда профилактикалык оңдоп-түзөө иштерине байланыштуу убактылуу токтотулат.
Ушуга байланыштуу мекеме келтирилген ыңгайсыздыктарды туура кабыл алып, жашоочуларды жана уюмдарды ичүүчү сууну алдын ала камдап коюуну сунуштайт.
Ошондой эле “Менин шаарым” тиркемесин жүктөп алып, ичүүчү суунун пландуу жана авариялык өчүрүүлөрү тууралуу билдирмелерди убагында алып туруу сунушталат.
