Касымалиев Таласта Эгемендүүлүк күнүнө даярдыкты текшерди
Талас облусунда Кыргызстандын Эгемендүүлүгүнүн 35 жылдыгына карата ачыла турган социалдык жана инфраструктуралык объектилердин даярдыгы текшерилди. Бул тууралуу министрлер мабинетинин басма сөз кызматы билдирди.
МинКаб төрагасы Адылбек Касымалиев Талас облусундагы бир катар объектилерди кыдырып, алардын даярдыгы менен таанышты. Ал Эгемендүүлүк күнүн жогорку деңгээлде өткөрүүнүн маанилүүлүгүн белгилеп, жооптуу мамлекеттик органдарга тапшырмаларды берди.
Белгилей кетсек, 11-сентябрда президент Садыр Жапаровдун катышуусунда Таласта бир катар объектилер менен катар, онлайн форматта өлкө боюнча 105 социалдык объект жана 60 ишкана ишке киргизилет.
