Эгемендүүлүктүн 35 жылдыгында коомдук коопсуздук камсыз кылынат
Талас облусунун ички иштер башкармалыгында 31-август - Кыргыз Республикасынын Эгемендүүлүк күнүнө карата коомдук коопсуздукту камсыз кылуу маселелери боюнча кеңешме болуп өттү. Ага Ички иштер министринин орун басарлары, милициянын генерал-майору Октябрь Урмамбетов жана милициянын генерал-майору Суюнбек Ниязбековдор катышышты.
Кеңешменин жүрүшүндө Эгемендүүлүк күнүн майрамдоо, курулуш объектеринин ачылыш аземдери учурунда коомдук тартипти жана жол кыймылынын коопсуздугун камсыз кылуу боюнча көрүлүп жаткан чаралар талкууланды.
Министрдин орун басарлары коомдук коопсуздукту жогорку деңгээлде камсыз кылуу, укук бузуулардын алдын алуу боюнча бир катар тапшырмаларды беришти.
Ошондой эле кызмат өтөөнүн уюштурулушун күчөтүү, кызматкерлердин даярдыгын камсыз кылуу жана ар кандай кырдаалдарга ыкчам чара көрүү боюнча тиешелүү көрсөтмөлөр берилди.
Белгилей кетсек 11-12-сентябрь күндөрү - Талас облусунун аймагында 3500дөн ашуун милиция кызматкерлери коопсуздукту камсыздайт.
