"Манас Ордо" комплексинин жаңы объектилери ачылды
Президенттин Талас областына болгон иш сапарынын алкагында, “Манас ордо” комплексинин жаңы салынган комплекстеринин ачылыш аземине катышуу ишчарасы каралган. Ачылыш аземи атайын көрүүчүлөргө арналган “Манас” эпосунун негизинде сахналаштырылган көрсөтмө менен башталды.
Андан соң Мамлекет башчысы сөз сүйлөп, "Манас Ордо" комплексин жаңылоо кыргыз элинин тарыхый-маданий мурастарын сактоо жана жайылтуу, улуттук духту, биримдикти жана муундардын байланышын бекемдөө үчүн маанилүү кадам экенине токтолду.
“Манас Ордо” комплекси өлкөдөгү маанилүү маданий-тарыхый жана руханий жайлардын бири болуп саналат. Анын тарыхы 1976-жылдан башталат. Дал ошол жылы Манастын күмбөзүнүн айланасында адабий-этнографиялык музей түзүлгөн. Ал эми 2001-жылы комплекске “улуттук” статусу берилген. Комплекстин аймагында 2 676 чарчы метр аянттагы, 200 орундуу Конгресс-холл, зыяратчылар үйү, 5 коттедж, банкеттик зал жана 531 чарчы метрлик административдик корпус курулду.” – деп белгиледи Садыр Жапаров.
Ошондой эле "Манас" музейи жаңыланып, анын аянты 1 090 чарчы метрге чейин кеңейтилди. Экспозицияда "Манас" эпосу менен катар "Семетей" жана "Сейтек" эпостору да кеңири чагылдырылып, заманбап санариптик жана голографиялык технологиялар киргизилди.
Массалык иш-чараларды өткөрүү үчүн 3 миң орундуу жабык трибуна реконструкцияланып, жалпы аянты 351 чарчы метр болгон сувенир дүкөндөрү курулду.
"Манас Ордо" комплексинин тарыхы 1976-жылдан башталат. Ал жылы Манастын күмбөзүнүн айланасында адабий-этнографиялык музей түзүлүп, 2001-жылы комплекске "улуттук" статус берилген.
Жаңыланган инфраструктура комплексине келгендер үчүн заманбап шарттарды түзүүгө, тарыхый-маданий мурасты кеңири жайылтууга жана мамлекеттик, эл аралык деңгээлдеги иш-чараларды өткөрүүгө багытталган.
