ӨКМ мектептердин өрт коопсуздугу боюнча даярдыгын текшерүүдө
Өзгөчө кырдаалдар министрлигинин Өрттү көзөмөлдөө кызматы жаңы окуу жылынын башталышына карата өлкөдөгү билим берүү мекемелеринин өрт коопсуздугу боюнча даярдыгын пландуу текшерүүнү улантууда. Бул тууралуу министрликтин басма сөз кызматы билдирди.
Текшерүүнүн жүрүшүндө мектептерде өрт коопсуздугунун талаптарынын аткарылышы, эвакуациялык чыгуу жолдорунун абалы, өрт өчүрүүчү каражаттардын жарактуулугу жана электр жабдууларынын коопсуздугу каралууда.
ӨКМдин маалыматына ылайык, текшерүүлөрдүн негизги максаты - окуучулар менен мугалимдердин коопсуздугун камсыз кылуу, өрт кырсыктарынын алдын алуу жана өзгөчө кырдаал учурунда туура аракеттенүүгө даярдыгын жогорулатуу.
Мындан тышкары, аныкталган кемчиликтерди өз убагында жоюу жана балдардын коопсуз шартта билим алуусун камсыз кылууга багытталган.
