Садыр Жапаров Талас шаарына 30 электробустун ачкычын тапшырды
Мамлекет башчы Садыр Жапаров бүгүн Талас облусуна болгон иш сапарынын алкагында Талас шаарына арналган 30 заманбап электробустун ачкычтарын тапшыруу аземине катышты. Бул тууралуу президенттик администрациядан билдиришти.
Маалыматка ылайык, электробустар шаардагы коомдук транспорт системасын жаңыртуу жана экологиялык жактан таза транспортту өнүктүрүү максатында ишке киргизилүүдө. Алар үчүн керектүү кубаттоо станциялары жеткирилип, "Талас автобекетинин" аймагында атайын токтотуучу жана кубаттоочу жайлар даярдалды.
Учурда Талас шаарынын ичинде жана ага жакын айылдарга жаңы каттамдардын схемалары менен жүрүү графиктери иштелип чыгууда. Жаңы транспорт коомдук каттамдардын сапатын жана жеткиликтүүлүгүн жогорулатып, жүргүнчүлөр үчүн ыңгайлуу шарт түзүүгө, ошондой эле абага зыяндуу заттардын бөлүнүп чыгышын азайтууга багытталган.
