Бишкектин айрым жерлеринде 16-сентябрда сууну пландуу өчүрүү болот
“Бишкексууканал” муниципалдык ишканасы 16-сентябрда саат 09:00дөн 19:00гө чейин турак үйлөрдө, мектептерде, мектепке чейинки билим берүү уюмдарында, саламаттык сактоо объектилеринде, ошондой эле башка социалдык жана өнөр жай объектилеринде ичүүчү суу берүү убактылуу токтотула турганыдыгын маалымдады.
Билдирүүгө караганда, суу берүүнү токтотуу - Достоевский, Анкара, Ауэзов көчөлөрү жана темир жол менен чектелген аймакты, ошондой эле “Алтын-Ордо”, “Кара-Жыгач” жана “Полиция шаарчасы” конуштарын камтыйт. Себеби, “Контррезевуар” суу топтомосунда профилактикалык оңдоп-түзөө иштерине байланыштуу суу берүү убактылуу токтотулат.
Ушуга байланыштуу “Бишкексууканал” муниципалдык ишканасы келтирилген ыңгайсыздыктар үчүн тургундардан кечирим сурап, жашоччулары жана уюмдарды ичүүчү сууну алдын ала камдап алууну сунуштайт.
Ошондой эле, “Менин шаарым” тиркемесин жүктөп алып, ичүүчү суунун пландуу жана авариялык өчүрүүлөрү тууралуу билдирмелерди алып туруу керектиги маалымдалды.
