Муниципалдык жер тилкелерге болгон укуктарды ижарачылардан сатып албоо сунушталды
Бишкек шаарынын мэриясым- жарандарга муниципалдык мүлккө, анын ичинде муниципалдык жер тилкелерин ижарага алуу укугуна байланыштуу укуктарды ижарачылардан сатып алууга болбой турганын, эскертти.
Мэриянын билдирүүсүнө караганда, мындай сатып алуу жер тилкесин мындан ары пайдаланууга же ижара келишимин узартууга кепилдик бербейт. Келишим бузулган же узартылбаган учурда, ошондой эле жер тилкесинде жайгашкан объектилер демонтаждалса, мэрия жарандардын тарткан чыгымдары үчүн жоопкерчилик тартпайт жана компенсация төлөп бербейт.
Себеби мэрия жарандардын ортосунда түзүлгөн бүтүмдүн тарабы болуп саналбайт. Андыктан, муниципалдык мүлккө болгон укуктарды сатып алардан мурда, аларды мыйзамдуу жол менен тариздөөнүн тартибин алдын ала тактап алуу сунушталууда.
Ал эми бул тууралуу кеңешүү үчүн Бишкек шаарынын мэриясынын Муниципалдык менчик башкармалыгына кайрылса болот. Дареги: Чүй проспектиси, 168.
