2026-жылдын январь–июль айларында орточо айлык акы 54,864 миң сомду түздү
2026-жылдын январь–июль айларында чакан ишканаларды эске албаганда, бир кызматкердин орточо айлык номиналдык эмгек акысы 54 864 сомду түздү. 2025-жылдын тиешелүү мезгилине салыштырмалуу айлык акы 28,5 %га өстү. Мындай маалымат Улуттук статистика комитетинин КРнын социалдык-экономикалык абалы боюнча алдын ала маалыматында берилген.
Билдирүүгө караганда, керектөө бааларынын индексин эске алганда, реалдуу эмгек акы 15,9 %га көбөйдү. Айлык акынын өсүшү экономикалык ишмердиктин бардык түрүндөгү ишканаларда жана уюмдарда байкалды. Алардын эң олуттуу жогорулашы кийинки тармактарда белгиленген:
- искусство, көңүл ачуу жана эс алуу (49,2 %),
- саламаттыкты сактоо, социалдык тейлөө (43,7 %),
- билим берүү (42,0 %),
- айыл чарбасы, токой чарбасы (36,1 %),
- кесиптик, илимий жана техникалык ишмердик (33,1 %),
- финансылык ортомчулук жана камсыздандыруу (25,4 %),
- кыймылсыз мүлк операциялары (24,1 %),
- курулушта (22,4 %) ж.б.
Ал эми 2026-жылдын 1-июлуна карата жалпы республика боюнча эмгек акы төлөө боюнча жалпы карыздын суммасы өткөн жылдын ушул күнүнө салыштырганда 2,5 % азайды.
Эмгек, социалдык камсыздоо жана миграция министрлигинин маалыматтары боюнча жумуш издеп, мамлекеттик иш менен камсыздоо органдарында каттоодо турган жумушсуз калктын саны 2026-ж. 1-августуна карата 60,6 миң адамды түздү, бул өткөн жылдын ушул күнүнө салыштырганда 6,5 % аз, анын ичинен катталган жумушсуздардын саны - 37,5 миң адам же 17,2 % аз.
Катталган жумушсуздардын жалпы санынын 46,6 % аялдарга туура келди. Катталган жумушсуздуктун деңгээли жумушчу күчүнүн жалпы санынын 1,3 % түздү.
