Бишкекте абаны булгаган 3 унаа аныкталып, 22 миң сом айып пул салынды
Орок айылында абаны булгаган унаалар текшерилип, 3 айдоочуга 22 500 сом айып салынды. Бул тууралуу Жаратылыш ресурстары министрлиги билдирди.
Маалыматка караганда, Экологиялык жана техникалык көзөмөл кызматынын Бишкек жана Аламүдүн боюнча башкармалыгы жол сакчылары менен биргеликте Орок айылында рейд өткөрдү. Рейддин максаты - унаалардан чыккан түтүн жана зыяндуу заттарды текшерип, абанын булганышын азайтуу.
Текшерүү учурунда экологиялык талапты бузган 3 жаранга протокол түзүлүп, жалпы 22 500 сом айып пул салынды.
Министрликтен мындай рейддер туруктуу өткөрүлүп турарын жана абанын сапатын жакшыртууга багытталганын билдиришти.
