Ак-Ордо конушунда 750 орундуу жаңы мектеп курулуп бүттү
Президент Садыр Жапаровдун тапшырмасы менен Ак-Ордо конушунун Теңир-Тоо көчөсүндө 750 орундуу мектептин курулушу аяктады. Бул тууралуу Курулуш министрлиги билдирди.
Маалымдалгандай, курулуш республикалык бюджеттен каржыланып, иштин сапаты министр Нурдан Орунтаевдин жеке көзөмөлүндө болгон.
Мектеп 3 кабаттуу, аянты 3349 чарчы метр. Ичинде заманбап класстар, лабораториялар, китепкана, ашкана, жыйындар залы жана спорт зал бар. Кошумча сыртта волейбол жана баскетбол аянтчалары курулду.
Учурда мектепти пайдаланууга берүү иштери жүрүп жатат.
Күндүн негизги жаңылыктары — Telegram каналыбызда
Каналга катталуу