Бишкектин айрым жерлеринде суу убактылуу өчүрүлөт
7-октябрда саат 09:00дөн 20:00гө чейин Бишкектин айрым жерлеринде ичүүчү суу берүү токтотулат. Бул тууралуу мэриянын маалымат кызматы кабарлады.
Суу өчүрүлө турган аймак төмөнкү көчөлөр менен чектелет:
Чүй проспектиси - Ибраимов - Фрунзе - Осмонкул көчөлөрү.
Бул аймактагы турак үйлөрдө, мектептерде, бала бакчаларда, ооруканаларда жана башка социалдык, өнөр жай объектилеринде суу болбойт. Себеби диаметри 500 мм болгон суу түтүгүндө оңдоо иштери жүргүзүлөрү айтылат маалыматта.
"Бишкексууканал" ишканасы тургундардан сууну алдын ала камдап алууну суранат.
Ошондой эле "Менин шаарым" тиркемеси аркылуу пландуу жана авариялык өчүрүүлөр тууралуу маалымат алса болот.
