Ош шаарынын күнүнө карата улуттук спорттук мелдештер өттү
Ош шаарынын күнүнө карата көк бөрү жана ат чабыш боюнча мелдештер уюштурулду. Бул тууралуу мэриядан билдиришти.
Маалымдалгандай, көк бөрү боюнча Ош облусунун жаштар чемпиондугу 3 күнгө созулуп, ага 7 команда катышты: Ноокат, Өзгөн-2, Кара-Суу, Ош шаары, Кара-Кулжа, Өзгөн-1 жана Алай. Мелдештер мэриянын колдоосу менен өткөрүлдү.
Жыйынтыгында:
• 1-орун - Кара-Кулжа району;
• 2-орун - Кара-Суу району;
• 3-орун - Өзгөн району;
• 4-орун - Ноокат району.
Ошондой эле ат чабыш боюнча мелдеш өттү:
• Батакур чабыш (6 000 м) - Талас облусунан келген "Дубай" аргымагы 1-орун алып, мэрдин кубогу жана 50 миң сом менен сыйланды;
• Кунан чабыш (12 000 м) - Ысык-Көлдөн келген "Ландо" жеңип, кубок жана автоунаа алды;
• Аламан чабыш (25 000 м) - Ысык-Көлдөн келген "Ак-Байпак" марага биринчи келип, кубок жана автоунаа менен сыйланды.
