Ошто окуучулар үчүн акысыз автобустар ишке кирди
Ош шаарында мектептен алыс жашаган окуучулар үчүн алгачкы атайын балдар автобустары каттамга чыкты. Бул тууралуу мэриянын басма сөз кызматы кабарлады.
Бүгүн шаар мэри Жанарбек Акаев окуучулар менен бирге автобуста жүрүп, анын шарттары менен таанышты.
Мэрдин айтымында, автобуска 28 окуучу батат. Азырынча тестирлөө үчүн 2 автобус иштеп жатат. Жакынкы айларда дагы 10го жакын автобус ишке кирерин белгиледи.
Автобустар коопсуздук талаптарына ылайыкташып, ыңгайлуу отургучтар жана кондиционер менен жабдылган.
