Ысык-Атада таштанды өрттөгөн ишканага 23 миң сом айып салынды
Ысык-Ата районунун Новопокровка айылында таштанды жана кургак чөп өрттөгөн ишканага айып пул салынды. Бул тууралуу Жаратылыш ресуртары министрлиги билдирди.
Маалыматка ылайык, жергиликтүү тургундун видео кайрылуусунан кийин Экологиялык жана техникалык көзөмөл кызматынын Чүй башкармалыгы рейддик текшерүү жүргүзгөн.
Текшерүүдө ишкананын аймагында таштанды, кургак чөп жана жалбырак өрттөлгөнү аныкталды.
Мыйзам бузуу үчүн ишкананын жетекчилигине Укук бузуулар жөнүндө кодекске ылайык 23 миң сом айып салынды.
Ошондой эле экологиялык талаптарды сактоо боюнча түшүндүрүү иштери жүргүзүлдү.
