Эмгек министри Дүйнөлүк банктын КРдагы кеңсесинин жетекчиси менен жолугушту
Бүгүн эмгек социалдык камсыздоо жана миграция министри Алмаз Имангазиев Дүйнөлүк банктын КРдагы кеңсесинин жетекчиси Хью Ридделл менен Дүйнөлүк банктын “Эмгек рыногунун жана социалдык коргоонун программаларын чыңдоо” долбоору боюнча миссиясынын алкагында жолугушту.
Жолугушуунун жүрүшүндө тараптар долбоордун ишке ашырылышынын жүрүшүн, аткарылып жаткан иштердин учурдагы жыйынтыктарын, ошондой эле калкты иш менен камсыз кылууга көмөктөшүү жана социалдык коргоо системасын өркүндөтүү жаатындагы кызматташтыкты бекемдөө боюнча мындан аркы кадамдарды талкуулашты.
Эмгек министрлигинин маалыматына караганда, өзгөчө көңүл долбоордун иш-чараларын натыйжалуу ишке ашыруу, эмгек рыногунун программаларын өнүктүрүү, жарандардын жумушка орношуу мүмкүнчүлүктөрүн кеңейтүү жана калкты социалдык колдоо чараларынын даректүүлүгүн жогорулатуу маселелерине бурулду.
Жолугушуунун катышуучулары алдыга коюлган максаттарга жетүү үчүн конструктивдүү өз ара аракеттенүүнүн жана күч-аракеттерди координациялоонун маанилүүлүгүн белгилешти.
