Коом

Кыргыз опера ырчысы Кайыргүл Сартбаева дүйнөдөн кайтты

Ишкер Media

Кыргыз опера ырчысы Кайыргүл Сартбаева дүйнөдөн кайтты

Кыргыз опера ырчысы Кайыргүл Сартбаева дүйнөдөн кайтты. Бул тууралуу маркумдун жакындары кабарлашты. СССРдин эл артисти, Кайыргүл Сартбаева 1936-жылы 20-июнда Кемин районундагы Кара-Булак айылында туулган.

Ал Чайковский атындагы Москва мамлекеттик консерваториясын аяктагандан кийин, 1962-жылы Кыргыз мамлекеттик опера жана балет театрынын солисти болуп эмгек жолун баштаган.

Чыгармачылык карьерасында ырчы 50дөн ашык опералык партияны аткарган. Алардын арасында "Айчүрөк" операсындагы Айчүрөк, "Манастагы" Каныкей, "Токтогулдагы" Калыйман, П.И. Чайковскийдин "Евгений Онегин" операсындагы Татьяна, Ж.Пуччининин "Чио-Чио-Сан" операсындагы Баттерфляй жана Ж.Вердинин "Аида" операсындагы башкы каарман бар.

Камералык ырчы катары да таанылып, кыргыз композиторлорунун көптөгөн чыгармаларын алгачкылардан болуп аткарган. Анын ариялары, романстары жана ырларынын 600гө жакын жазмасы Кыргызстандын Улуттук телерадиоберүү корпорациясынын "Алтын фондуна" кирген.

Ал 1980-жылы СССРдин эл артисти наамын алган.

Кайыргүл Сартбаева педагог катары да кыргыз музыка өнөрүнүн өнүгүшүнө чоң салым кошкон. Ал бир катар окуу жайларда вокалдан сабак берип, 1986–1989-жылдары Бүбүсара Бейшеналиева атындагы Кыргыз мамлекеттик искусство институтунун ректору болгон.

Жаңылыктар биздин Телеграмм каналда

Мындан тышкары окуңуз

Улуттук банк МВФ жана Дүйнөлүк банктын жылдык жыйынына катышты

Улуттук банк МВФ жана Дүйнөлүк банктын жылдык жыйынына катышты

Кыргыз Республикасынын Улуттук банкынын делегациясы 12-18-октябрда Бангкок шаарында өткөн Эл аралык валюта фондунун жана Дүйнөлүк банктын башкаруучуларынын жылдык жыйынына катышты. Бул тууралуу мекеменин маалымат кызматы кабарлады. Маалымдалгандай, жыйындын алкагында Улуттук банк МВФтин Жакынкы Чыгыш жана Борбордук Азия департаменти уюштурган иш-чараларга жана швейцариялык топтун отурумуна катышты. Анда дүйнөлүк

Ишкер Media
Кыргызстан менен Швейцария кызматташтыгы талкууланды

Кыргызстан менен Швейцария кызматташтыгы талкууланды

Бүгүн, 20-октябрда тышкы иштер министри Жээнбек Кулубаев Швейцария Конфедерациясынын Федералдык жыйынынын Улуттук кеңешинин төрагасы Пьер-Андре Паж менен жолугушуу өткөрдү. Бул тууралуу ТИМдин басма сөз кызматынан билдирди. Маалыматка ылайык, жолугушуунун жүрүшүндө тараптар кыргыз-швейцариялык кызматташтыктын актуалдуу маселелерин талкуулашты. Алар саясий диалогду өнүктүрүүгө, парламенттер аралык байланыштарды чыңдоого жана эл аралык

Ишкер Media
Данияр Амангелдиев ШКУга мүчө-мамлекеттердин Өкмөт башчыларынын жыйынына катышты

Данияр Амангелдиев ШКУга мүчө-мамлекеттердин Өкмөт башчыларынын жыйынына катышты

Бүгүн КРнын Министрлер Кабинетинин Төрагасынын биринчи орун басары Данияр Амангелдиев Шанхай кызматташтык уюмуна мүчө-мамлекеттердин Өкмөт башчыларынын кеңешинин 25-жыйынына катышты. Жыйын Тажикстан Республикасынын Душанбе шаарында тар жана кеңири курамда өттү. Анын жүрүшүндө, Данияр Амангелдиев Бишкек саммитинде 28 документ бекитилип, ШКУнун институционалдык реформасы жана укуктук негизи чыңдалганын маалымдады. Ал соода-

Ишкер Media
Автоунаалардын кузовдорун алты айга чейин импорттоого тыюуну узартуу сунушталды

Автоунаалардын кузовдорун алты айга чейин импорттоого тыюуну узартуу сунушталды

Кыргызстанда жеңил автоунаалардын кузовдорун өлкөгө алып кирүүгө киргизилген убактылуу тыюуну дагы алты айга узартуу сунушталууда. Тиешелүү токтом долбоорун Экономика жана коммерция министрлиги иштеп чыгып, бүгүн коомдук талкууга чыгарды. Долбоордун негизги максаты — өлкөгө тетиктер жана кузовдор түрүндө ташылып келип, кийин мыйзамсыз чогултулган “конструктор” автоунаалардын жүгүртүлүшүнө бөгөт коюу. Министрликтин маалыматына ылайык, мындай

Ишкер Media