Араванда 150 орундуу мектеп курулат
Ош облусунун Араван районундагы Жаңы-Абад айылында 150 орундуу мектептин курулушу башталды. Бул тууралуу Курулуш министрлигинен кабарлашты.
Маалыматка ылайык, долбоор республикалык бюджеттин эсебинен каржыланып, Курулуш министрлигинин көзөмөлүндө ишке ашырылат.
Объекттин сметалык баасы 143 миллион сомду түзөт. Архитектуралык долбоорго ылайык, мектеп «А», «Б» жана «В» блокторунан турат. Анда эки кабаттуу окуу корпусу, жыйындар залы жана спорт залы каралган.
Мектептин жалпы аянты 1 630 чарчы метрди түзөт.Объекттин курулуш иштерин башкы подрядчы «Кыргызкурулуш» мамлекеттик ишканасы аткарууда.
Учурда пайдубалын куруу үчүн арматура токуу иштери жүрүп жатат.
