Жалал-Абад университетинде 5 жаңы имарат ачылды
Б.Осмонов атындагы Жалал-Абад мамлекеттик университетинде жаңы имараттардын ачылыш аземи өттү. Иш-чарага Илим, жогорку билим берүү жана инновациялар министри Гульзат Исаматова катышты. Бул тууралуу аталган министрликтен билдиришти.
Министр жаңы объектилер өлкөнүн илимин жана билим берүүсүн өнүктүрүүдө маанилүү кадам экенин белгиледи.
"Заманбап инфраструктура сапаттуу билим алууга жана квалификациялуу адистерди даярдоого жаңы мүмкүнчүлүктөрдү түзөт", - деди ал.
Пайдаланууга берилген объектилер:
• 1150 орундуу илимий-изилдөө институту
• 1200 орундуу 5 кабаттуу окуу имараты
• 500 орундуу ашкана
• 3 кабаттуу спорт залы
• спорт аянтчасы
Жаңы имараттар заманбап талаптарга ылайык курулуп, студенттердин сапаттуу билим алуусуна, окутуучулардын натыйжалуу иштөөсүнө, илимий изилдөөлөрдү жүргүзүүгө жана спорт менен машыгууга зарыл шарттар түзүлдү.
