Бишкекте 97 пайызга жакын объектилерге жылуулук берилди
"Бишкекжылуулукэнерго" муниципалдык ишканасынын отканаларынан жылуулук алган объектилердин 97 пайызга жакыны жылуулукка кошулду.
Бишкек мэриясы билдиргендей, учурда абоненттерди жылуулук менен камсыздоо системасына кошуу иштерин улантылууда.
Бүгүн саат 10:00гө карата отканаларды ишке киргизүү жана объектилерди жылуулук менен камсыздоо көрсөткүчтөрү төмөнкүдөй болду:
- Отканаларды ишке киргизүү — 99%;
- Саламаттык сактоо мекемелери — 100%;
- Балдар бакчалары — 100%;
- Мектептер — 98%;
- Жогорку окуу жайлары — 100%;
- Башка бюджеттик мекемелер — 100%;
- Турак үйлөр — 99%.
Жылуулук менен камсыздоо системасына кошула элек калган объектилерди туташтыруу иштери уланууда.
Белгилей кетсек, Бишкек шаарынын тургундарына жылуулук берүү иштери 28-октябрда башталган.
