Дүйнө чемпиондугу: Кыргыз спортчулары 5 медаль жеңип алышты

24-октябрдан 1-ноябрга чейин Казакстандын Астана шаарында спорттук күрөш боюнча Дүйнө чемпионаты өттү. Мелдештер грек-рим, эркин жана кыз-келиндер күрөшү боюнча уюштурулду.

Дене тарбия жана спорт департаменти маалымдагандай, Дүйнө биринчилигинде Кыргызстандын атынан 22 спортчу катышты.

Мелдештин жыйынтыгында улуттук курама команда эки күмүш жана үч коло медаль жеңип алды.

Грек-рим күрөшү боюнча коло медаль алгандар:

• Акжол Махмудов (82 кг чейин);
• Амантур Исмаилов (72 кг чейин).

Кыз-келиндер күрөшү боюнча:

Мээрим Жуманазарова (68 кг чейин) күмүш медаль тагынды.

Эркин күрөш боюнча:

• Эрназар Акматалиев (70 кг чейин) күмүш медалга ээ болсо,
• Малик Шаваев (86 кг чейин) коло медаль жеңип алды.