Жалда №72 мектепке 750 орундуу жаңы окуу корпусу курулду
Бишкек шаарынын Жал кичи районундагы №72 мектепке 750 орундуу жаңы окуу корпусу курулду. Долбоорду каржылоо республикалык бюджеттен каралган. Жаңы мектептин курулушу үстүбүздөгү жылдын май айында, Курулуш министрлиги тарабынан башталган.
Архитектуралык долбоорго ылайык, мектеп заманбап талаптарга жооп берген үлгүдө курулду. Анда предметтик окуу класстары, лаборатория, китепкана, ашкана, компьютердик класс, жыйындар залы жана спорт зал каралган.
Эске салсак, Курулуш, архитектура жана турак жай-коммуналдык чарба министрлиги тарабынан 2026-жылдын башы менен Бишкек шаарында 20 мектептин курулушу башталган. Алардын ичинен 10 мектеп жаңы окуу жылынын башталышына карата пайдаланууга берилди.
