Дүйнө чемпиондугу: Кыргыздын самбо боюнча курамасы 7 медаль жеңди
Кыргыз Республикасынын самбо боюнча курама командасы Дүйнө чемпиондугунда бир алтын, бир күмүш жана беш коло медаль жеңип алды.
Дене тарбия жана спорт департаменти билдиргендей, мелдештер 6–8-ноябрь күндөрү Өзбекстандын Ташкент шаарында өткөн.
Дүйнө чемпионатына 101 өлкөдөн келген 500 ашык спортсмен катышты.
Адтын медалды көзү азиз спортчулар арасындагы самбо боюнча (SVI-1) 50 кг чейинки салмакта Надежда Рак жеңип алды.
Күмүш медалга күжүрмөн самбо боюнча 54 кг чейинки салмакта Акак Үсөн кызы ээ болду.
Коло медалдарды төмөнкү спортчулар жеңип алышты:
- Феликс Уланбеков - спорттук самбо, 79 кг чейин;
- Кимал Оболбеков - спорттук самбо, 58 кг чейин;
- Сүймөнкул Молдобеков - спорттук самбо (SVI-1), 64 кг чейин;
- Даниель Асеков - күжүрмөн самбо, 58 кг чейин;
- Мераида Медетбек кызы - күжүрмөн самбо, 65 кг чейин.
Күндүн негизги жаңылыктары — Telegram каналыбызда
Каналга катталуу
