Бишкекте башкы жаңы жылдык балаты орнотулууда

9-ноябрда Бишкек шаарындагы Ала-Тоо аянтында өлкөнүн башкы жаңы жылдык балатысын орнотуу иштери башталды. Бул тууралуу мэриянын басма сөз кызматы маалымдады.

Иштерге "Тазалык" жана "Бишкекжарык" муниципалдык ишканаларынын кызматкерлери тартылган.

Маалыматка ылайык, башкы балатынын бийиктиги 32 метрди, диаметри 13 метрди түзөт. Анын металл каркасына 3 миң 800 даана ийне жалбырактуу дарактын бутагы бекитилет.

Борбор калааны жаңы жылдык жасалгалоо иштери декабрь айынын ортосуна чейин уланат.