Кыргызстанда агрокамсыздандыруу программасы ишке киргизилди
Мамлекеттик камсыздандыруу уюму Кыргызстанда агрокамсыздандыруу программасын ишке киргизди. Бул тууралуу мекеменин басма сөз кызматынан билдирди.
Пилоттук долбоордун алкагында агрокамсыздандыруу өлкөнүн 3 облусунда жүргүзүлөт:
- Чүй облусу.
- Ысык-Көл облусу
- Ош облусу
Программанын алкагында күздүк буудайдын эгин аянттарын жана түшүмүн камсыздандыруу каралган.
Долбоор дыйкандарды колдоого жана алардын айыл чарба ишмердүүлүгүн ар кандай тобокелдиктерден коргоого багытталган.
Кененирээк маалымат алуу үчүн: +996 553 733 077 (WhatsApp)
Агрокамсыздандыруу (айыл чарбасын камсыздандыруу) —бул дыйкандардын, фермерлердин жана агро-ишкерлердин жаратылыш кырсыктарынан, аба ырайынын жагымсыз шарттарынан же башка күтүлбөгөн окуялардан улам тарткан зыяндарын калыбына келтирүүчү атайын финансылык коргоо системасы.
Анын негизги максаты — күтүлбөгөн кырсыктар учурунда айыл чарба кызматкерлерин банкрот болуудан сактап калуу жана өлкөнүн азык-түлүк коопсуздугун камсыздоо.
Күндүн негизги жаңылыктары — Telegram каналыбызда
Каналга катталуу
