Ошто 5200 орундуу заманбап спорттук комплекс курулат
Ош шаарында эл аралык стандарттарга жооп берген заманбап көп функционалдуу "Жаштык Арена" спорттук-оюн-зоок комплексин куруу пландалууда. Бул тууралуу кечээ Ош шаарынын мэри "Кыялымдагы Кыргызстан: Ош-2026" форумунда билдирди.
Долбоорго ылайык, арена Кызыл-Кыштак айылдык аймактык башкармалыгында 5 000ден 5 200гө чейин көрүүчүнү кабыл алууга ылайыкташып курулат.
Комплексте муз аянтчасы, хоккей жана күрөш боюнча мелдештерди өткөрүүчү универсалдуу спорттук, концерттик жана маданий иш-чараларга арналган аянтчалар, соода жана тамактануучу жайлары каралган.
"Жаштык Арена" ишке берилгенден кийин Ош шаарында эл аралык деңгээлдеги спорттук мелдештерди, концерттерди жана ири маданий иш-чараларды өткөрүүгө кеңири мүмкүнчүлүк түзүлөт.
Курулуш иштерин 2027-жылдын март айында баштап, 2030-жылдын март айында аяктоо болжолдонууда.
Күндүн негизги жаңылыктары — Telegram каналыбызда
Каналга катталуу
