Айыл чарба министрлигинде 1000 күндүк планды ишке ашыруу маселелери боюнча кеңешме өттү
КРнын Айыл чарба министрлигинде агроөнөр жай комплексин өнүктүрүүгө багытталган 1000 күндүк планды ишке ашыруу маселелери боюнча кеңешме өттү. Ага мамлекеттик органдардын, бизнес-коомчулуктун өкүлдөрү жана кызыкдар тараптар катышты.
Маалым болгондой, кеңешмеде айыл чарба продукциясын өндүрүү, сактоо жана кайра иштетүү тармактарын өнүктүрүү, өндүрүштүк инфраструктураны жакшыртуу, инвестиция тартуу, заманбап технологияларды киргизүү жана ата мекендик продукциянын атаандаштыкка жөндөмдүүлүгүн жогорулатуу маселелери талкууланды.
Ошондой эле Кепилдик фондунун жана Мамлекеттик камсыздандыруу уюмунун өкүлдөрү кайра иштетүүчү ишканаларга каржылык колдоо көрсөтүү, кепилдик инструменттерин пайдалануу жана камсыздандыруу мүмкүнчүлүктөрү тууралуу маалымат беришти.
Жыйынтыгында 1000 күндүк планды натыйжалуу ишке ашыруу үчүн мамлекеттик органдар менен жеке сектордун биргелешкен иш алып баруусунун маанилүүлүгү белгиленди.
Катышуучулардын сунуш-пикирлерин эске алуу менен тиешелүү багыттар боюнча иштерди улантуу макулдашылды.
Күндүн негизги жаңылыктары — Telegram каналыбызда
Каналга катталуу
