Кочкор районунда 2 гектар жер кытайлык компанияга ижарага берилди

Мелис Совет уулу

23 мар. 2026 11:27

МинКаб "Шаньси көмүр автотранспорттук ташуу жана сатуу компаниясы" ЖЧКсына Нарын облусунун Кочкор районунда жайгашкан 2 гектар жер тилкесин 15 жыл мөөнөткө ижара шартында убактылуу пайдаланууга берди.

2026-жылдын 17-мартындагы №173-р тескемеге ылайык, бул жер тилкеси мамлекеттик менчик болуп саналат жана "өнөр жай, транспорт, байланыш, энергетика, коргонуу жана башка багыттагы жерлер" категориясына кирет.

Ал Ормон-Хан айыл аймагына караштуу Семиз-Бел айылынын №249 жана №250 контурларында жайгашкан.

Документте көрсөтүлгөндөй, компания 100% чет элдик капитал менен түзүлгөн. Жер тилкеси ижара келишимин кийин узартуу мүмкүнчүлүгү менен берилет.

Кочкор райондук мамлекеттик администрациясына компания менен ижара келишимин түзүү жана ижара төлөмдөрүнүн республикалык бюджетке өз убагында түшүүсүн көзөмөлдөө тапшырылды. Келишим шарттары аткарылбаса, аны бир тараптуу бузуу каралган.

Жер ресурстары, кадастр, геодезия жана картография боюнча мамлекеттик агенттикке компаниянын жерди убактылуу пайдалануу укугун каттоо милдети жүктөлдү.

Тескемеде бул чечим чет элдик инвестицияларды тартуу үчүн шарт түзүү максатында кабыл алынганы белгиленген.

Юстиция министрлигинин маалыматына ылайык, "Шаньси көмүр автотранспорттук ташуу жана сатуу компаниясы" ЖЧКсынын жетекчиси — Насырынбеков Талант Ыманбекович, ал эми негиздөөчүсү — Ян Цзяньшэн. Компаниянын ишмердүүлүк түрү — транспорт тармагындагы көмөкчү кызматтар. Катталган күнү — 2025-жылдын 29-майы.

Мындан тышкары окуңуз

Түштүк ооруканаларына заманбап медициналык жабдууларды алууга Япония 1,8 млрд ийен грант берет

Президент Садыр Жапаров Кыргызстандын министрлер кабинети менен Япониянын өкмөтүнүн ортосундагы “Түштүк региондорундагы рефералдык ооруканаларда медициналык жабдууларды жакшыртуу” долбоору боюнча ноталарды алмашуу жана Кыргызстандын министрлер кабинети менен Япония эл аралык кызматташтык агенттигинин (JICA) ортосундагы “Түштүк региондорундагы рефералдык ооруканаларда медициналык жабдууларды жакшыртуу” долбоору боюнча гранттык макулдашууну ратификациялоо жөнүндө” мыйзамга кол койду. Мыйзам

Ишкер Шаршенбек Абдыкеримов УКМКнын террордук чабуулуна кабылганын айтты

“Аю Холдинг” ишканасынын негиздөөчүсү Шаршенбек Абдыкеримовдун 15-мартта жазган билдирүүсү социалдык тармактарга 22-мартта тарай баштады. Анын жакындары билдирүү жарыяланган аккаунт Абдыкеримовдун өзүнө тиешелүү экенин ырастаганын "Азаттык" жазды. Анда Абдыкеримов ал УКМКнын Бишкек шаардык башкармалыгынын мурдагы башчысы Элдар Жакыпбеков анын бизнесине “террордук чабуул жасаганын” жазган. Анын белгилешинче, бул иштер атайын

1-апрелден тарта Ош-Ташкент-Ош авиакаттамы ишке кирет

1-апрелден тарта Centrum Air авиакомпаниясы Ош — Ташкент — Ош багыты боюнча туруктуу каттамдарды ишке киргизерин "Кыргызстан аэропорттору" ААКнын басма сөз кызматы билдирди. Учуу каттамдары жумасына эки жолу — шаршемби жана ишемби күндөрү — Airbus A320 family учактары менен аткарылат. Учуу узактыгы болжол менен 1 саат 10 мүнөттү түзөт. Билеттердин эң төмөнкү

Япония "Кыргызстан электр тармактарынын" окуу борборун жаңыртууга 1,5 млрд доллар бөлөт

Президент Садыр Жапаров "Кыргызстанда электр тармактарын пайдалануу жана тейлөө боюнча окуу борборунун потенциалын чыңдоо" долбоору боюнча ратификациялоо мыйзамына кол койду. Кыргызстандын министрлер кабинети менен Япония өкмөтүнүн жана Япониянын эл аралык кызматташтык агенттигинин (JICA) ортосундагы гранттык макулдашуу жөнүндө болуп жатат. Долбоордун негизги максаттары: * "Кыргызстан улуттук электр тармагы"