Кыргызстанда эл аралык стандарттагы Улуттук вакцина кампасы курулат

Кыргызстанда эл аралык стандарттагы Улуттук вакцина кампасы курулат

Саламаттык сактоо министрлиги Улуттук вакцина кампасын куруу долбоорун ишке ашырууну баштаганын министрликтин басма сөз кызматы билдирди.

Белгиленгендей, Министрлер Кабинетинин "Вакциналарды сактоо үчүн кампа куруу жөнүндө" тескемесинин алкагында Саламаттык сактоо министрлиги Республикалык иммунопрофилактика борбору менен биргеликте бул стратегиялык долбоорду ишке ашырууну баштады.

Жаңы Улуттук вакцина кампасы иммундаштыруу системасынын туруктуулугун жана муздак чынжырдын ишенимдүүлүгүн камсыз кылуучу негизги инфраструктуралык объект болот. Чечим саламаттык сактоо тармагындагы өсүп жаткан муктаждыктарды жана вакциналарды сактоонун эл аралык стандарттарын эске алуу менен кабыл алынган.

Курулуш үчүн мамлекет тарабынан Бишкек шаары, Ахунбаев көчөсү 186 дарегинде жайгашкан 13 сотых жер тилкеси бөлүнгөн. Бул тилке Республикалык иммунопрофилактика борборунун балансына өткөрүлүп берилген. Долбоор Дүйнөлүк саламаттык сактоо уюмунун Европа аймактык бюросунун стандарттарына ылайык ишке ашырылууда жана улуттук муздак чынжыр инфраструктурасын жаңылоого багытталган. Техникалык-экономикалык негиздеме жана алдын ала смета ЮНИСЕФтин техникалык колдоосу менен даярдалган.

Жаңы кампаны куруу зарылдыгы ДССУнун Европа аймактык бюросунун миссиясынын жыйынтыгы менен тастыкталган. Ага ылайык, өлкөдө вакциналарды сактоонун учурдагы инфраструктурасы иммундаштыруу программасынын азыркы жана келечектеги муктаждыктарына жооп бербейт. Сунуштардын ичинде жаңы кампа куруу же борборлоштурулган кампаны кеңейтүү көрсөтүлгөн.

Долбоор эл аралык өнөктөштөрдүн колдоосу менен каржыланууда. Атап айтканда, GAVI 1 млн 267 миң доллар бөлгөн.

Жаңы объект заманбап сактоо технологиялары менен жабдылат: температураны көзөмөлдөөчү системалар, реалдуу убакыт режиминде мониторинг, резервдик электр булактары жана запастарды башкаруунун санариптик чечимдери каралат. Кампа стратегиялык вакцина корун, анын ичинде өзгөчө кырдаалдар жана жугуштуу оорулардын жайылышына жооп кайтаруу үчүн резервди сактоону камсыз кылат.

Мындан тышкары окуңуз

Ошто баалар көзөмөлдө: күн сайын мониторинг жүргүзүлүүдө

Ошто баалар көзөмөлдө: күн сайын мониторинг жүргүзүлүүдө

Монополияга каршы жөнгө салуу кызматынын Ош шаары боюнча бөлүмү базарларда жана соода түйүндөрүндө социалдык маанилүү товарлардын жана күйүүчү-майлоочу материалдардын (КММ) баасына күн сайын мониторинг жүргүзүүдө. Бул тууралуу аталган кызматтан билдиришти. Бул иштер Суу ресурстары, айыл чарба жана кайра иштетүү өнөр жайы министри Э.А. Акунбековдун тапшырмасын аткаруунун алкагында жүргүзүлүүдө. Мониторингдин

Бишкекте "экинчи Ботаникалык бак" түзүлөт

Бишкекте "экинчи Ботаникалык бак" түзүлөт

Бишкек шаарынын мэри Айбек Джунушалиев "Бишкекжашылкурулуш" муниципалдык ишканасынын питомнигине барып, отургузууга даярдалган көчөттөр менен таанышты. Бул тууралуу муниципалитеттен билдиришти. Учурда питомниктин аймагына болжол менен 50 миң даана көчөт алынып келинген. Анын ичинен бүгүнкү күнгө чейин 30 миң даана дарак көчөтү отургузулду. Шаар башчысы иштердин ылдамдыгын күчөтүүнү тапшырды. Айрыкча

Өзбекстанда бензин баасы АКШ бензин баасына жакындады

Өзбекстанда бензин баасы АКШ бензин баасына жакындады

Глобалдык экономикада энергетикалык ресурстардын, өзгөчө автоунаа күйүүчү майларынын баалары өлкөлөрдүн ички рыногуна жана калктын жашоо деңгээлине түз таасир этет. "GlobalPetrolPrices" агенттигинин маалыматына ылайык, 2023–2026-жылдар аралыгында бензин бааларынын өзгөрүүсү ар кандай тенденцияларды көрсөткөн. 2026-жылдын башында Өзбекстанда AI-95 маркадагы бензиндин литри 1,08 доллар болгон, бул АКШдагы баага (1,

Алмамбет Шыкмаматов: Кыргызстанда 450 миңге жакын жарандын салык карызы бар

Алмамбет Шыкмаматов: Кыргызстанда 450 миңге жакын жарандын салык карызы бар

Бүгүн, Мамлекеттик салык кызматынын төрагасы Алмамбет Шыкмаматов жарандардын таанылган салык карызы болгон учурда банк эсептеринен акча каражаттарын эсептен чыгаруу тартиби тууралуу “Биринчи радио” жана "Ала тоо 24" телеканалына түшүндүрмө берди. Анын айтымында, бүгүнкү күндө болжол менен 450 миңге жакын жаранда салык карызы бар. Негизги себептердин бири жоопкерчиликтин төмөн