Муниципалдык менчикте турган транспорт каражаттары сатыкка коюлат
Бишкек шаарынын мэриясы муниципалдык менчикте турган транспорт каражаттарын сатуу боюнча ачык аукцион өткөрөт. Бул тууралуу шаардык мэриядан билдиришти.
Маалыматка караганда, аукционго жалпы 106 лот коюлат. Ачык аукцион 24-сентябрда саат 10:00дө Бишкек шаары, Чүй проспекти, 168 дарегинде өткөрүлөт.
Аукционго катышуу үчүн арызды Бишкек шаарынын мэриясынын Муниципалдык менчик башкармалыгына берүү зарыл. Арыздар 18-сентябрга чейин Чүй проспекти, 168 дареги боюнча кабыл алынат.
Аукционго катышуу укугун алуу үчүн талапкер төмөнкү документтерди тапшырууга тийиш:
– тандалган лоттун номерин көрсөтүү менен жазуу жүзүндөгү арыз;
– өздүгүн тастыктаган документ;
– кепилдик төгүмү төлөнгөнүн ырастаган төлөм документи.
– кепилдик төгүмүнүн өлчөмү лоттун баштапкы баасынын 10%ынтүзөт.
Аукционду өткөрүү шарттары боюнча кошумча маалыматты Бишкек шаарынын мэриясынын Муниципалдык менчик башкармалыгынан төмөнкү дарек боюнча алууга болот: Бишкек шаары, Чүй проспекти, 168, ошондой эле 0312 979 195 (ички 4220) телефону аркылуу.
