Мамлекеттик «Айыл Банк» капиталынын көлөмү боюнча лидер аталды. Рейтинг - 2022
2022-жылы Кыргызстандагы коммерциялык банктардын капиталынын көлөмү 49%га – 59.5 млрд сомдон 88.7 млрд сомго чейин өстү.
Economist.kg жылдык отчетторду изилдеп көрүп, «Айыл Банк» капиталы боюнча коммерциялык банктардын арасында абсолюттук лидер экенин аныктады. Анын капиталы 4.2 млрд сомдон 11.7 млрд сомго (+177%) өскөн.
ТОП-5ке ошондой эле төмөнкү банктар кирген:
- «Оптима банк» — 8.5 млрд сом (+28%)
- «РСК банк» — 8 млрд сом (+118%)
- KICB – 7.2 млрд сом (+17%)
- «Бакай банк» — 7 млрд сом (+126%).
Өткөн жылы «Керемет Банк» капиталын 6.8 млрд сомго чейин көбөйтсө да, рейтингде экинчи орундан 6-орунга түшүп кеткен.
Белгилей кетсек, Улуттук банктын минималдуу уставдык капиталын 600 млн сомго чейин көбөйтүү талабын эки гана банк — Евразия сактык банкы (539 млн сом) жана Пакистандын Улуттук банкынын филиалы (210 млн сом) аткара албай келишет.
