WhatsApp мессенджерде канал ачуу мүмкүнчүлүгү пайда болгонун жарыялады — Телеграмга окшош
WhatsApp Telegram каналына окшош канал функциясын ишке киргизди. Ал 150 өлкөдө жеткиликтүү болмокчу. Бул тууралуу WhatsApp өзүнүн блогунда жарыялады.
Белгилей кетсек, компания 2023-жылдын июнь айында Сингапурда жана Колумбияда функциянын тестирлөөсүн жарыялаган болчу. Эми болсо WhatsApp миңдеген уюмдарды, спорттук командаларды, сүрөтчүлөрдү жана лидерлерди түйүндө өзүнүн каналын ачууга чакырууда.
- Авторлор тексттерди, сүрөттөрдү, видеолорду, сурамжылоолорду жана стикерлерди каналдарга жарыялай алышат. Абоненттик телефон номерлери башка колдонуучулардан жана администратордон жашырылган. Алар тууралуу маалыматтар да көрсөтүлбөйт.
- Тестирлөөнүн жыйынтыгы боюнча WhatsApp канал каталогуна колдонуучунун өлкөсүн эске алган автоматтык фильтр кошту. Каналдын катталуучулары өз кезегинде постторго реакция калтыруу мүмкүнчүлүгүнө ээ болуп, администраторлор 30 күн бою публикацияларды оңдоого мүмкүнчүлүк алышат.
"Бул башталышы гана жана биз колдонуучулардан алган пикирлердин негизинде көбүрөөк функцияларды кошууну жана каналдарды кеңейтүүнү улантабыз. Жакынкы айларда биз бардык каалоочулар үчүн канал түзүү мүмкүнчүлүгүн беребиз", - дейт компания.
